Penjara Kayu Jati

Nalika golek muatan iseh akeh,dhepo kayu iseh padha sukses lan kayu-kayu alas iseh akeh,montor trek podho ngantri muat kayu jati sing arep dikirim gawa ning Jepara lan Klaten,saben dina kurang luwih sepuluh antri ana dhepone pak haji Supomo, juragan kayu ana daerah Kandangan Temanggung, nalika semono sopir sing dipercaya pak Supomo kuwi Narno lan kernete sing jenenge Teguh waluyo, bocah loro mau lagi antri muatan nang dhepo, sinambi karo omong-omongan rembugan golek muatan balen yen mengko sido muat nang Jepara,yen oleh muatan balen keno gawe imbuh-imbuh tuku solare. dheweke cerita yen nyambut gawe sopir kuwi ana penake yo ono susahe, penake bisa pengalaman weruh kahanan nang dalan lan daerah ngendi-ngendi,ora penake kuwe yo okeh, sopir kuwe yen kurang turu dadine awake pucet, kesehatane kurang, nanging kepriye maneh gawean kuwe ora ana sing kepenak, mung awake dhewe sing nglakoni kuwe kudu dilantari rasa ikhlas, Narno sing kawit bocah nyopir kuwi pancen wis pengalaman, bocah enom sing patut gawe tuladha nom-noman liyane, durung duwe bojo nanging nyambut gawene sregep.

            Wis ngenteni setengah jam, trek sing muat kayu jati wis kebak, banjur gaweane Teguh, nutup kayu jati sing dimuat nganggo terpal, Narno mau ngecek ban lan mesin, pancen sakdurunge mangkat biasane dicek kabeh, mengko yen nang dalan ora ana masalah, yen wis diterpali banjur laporan marang pak Supomo, yen barange siap diterke ,biasane yen arep mangkat karo laporan kuwe diwenehi ongkos muatan lan surat jalan karo surat kirim barang, ngenteni Narno sing lagi ngecek ban lan mesin, Narno kongkon Teguh sing njupuk ongkos muatan lan surat kirim barang, dhuwit dijupuk karo Teguh banjur montor distater, dipanasi sedela, Narno nyumet rokok langsung wae mangkat nyambut gawe kirim barang ana Jepara, pancen trek mau iseh  anyar dadine iseh rosa lan playune iya iseh banter, tumpakane iseh penak banget, trek mitsubishi intercooler sing variasine apik, bak trek sing ditulisi abadi makmur  sing disopir Narno kuwi, ketok gagah nang njero trek,dhasar bocah iseh enom nyupire iya banter mula pak Supomo seneng amarga yen kirim barang cepet,ora tau mulur wekktune.biasana yen wis arep mlebu kutho Jepara dheweke mangan nang warung,golek warung sing rada murah,mangan ben wareg,salebare mangan banjur nerusake laku.

            Wis mlebu mlebu kutha Jepara,mlakune rada disuda amarga nang kono ana polisi sing arep operasi trek, polisi nyemprit, montor sing disopir Narno dikon mandheg,Narno iya ora nderedhek amarga wis biasa yen arep mlebu kutha dicek karo polisi,sing penting surat dalan karo surat kirim barang digawa, Narno medhun omong-omongan karo polisine,surate ditakokake karo polisi banjur Narno njupuk nang njero trek,rada suwi nggoleki surat ora ketemu, Narno rada sumelang banjur takon Teguh.

Guh surate mau digawa apa ora?”pitakonane Narno”.kahanan bingung iya rada nesu

Teguh bingung kayane lali Nar”Teguh nyauri.

Waduh priye mau kae biasane diwadhahi stopmap”Ujare Narno”

Cilaka kiye,karo mara nang polisine, ditakoni surate ora ketemu banjur bocah loro mau digawa nang pos polisi, wis ngerti yen montor mau muatan kayu jati, Narno digawa nang kantor polisi amarga kayu jati kagolong kayu sing larang regane, kuwi kayu alas sing arep nebang wae kudu ana ijin saka pemerintah, apa maneh yen arep kirim kudu ana surat dalane, gandheng surate ora digawa, bocah mau di gawa menyang kantor polisi Jepara banjur  disidang,wis ora bisa ngenyang, polisi gelem mbebasake yen ana buktine surate dalan mau,dikira kayu jati sing ana trek kuwi kayu colongan, amarga akeh kayu jati sing ilang nang alas-alas duweke pemerintah, polisi Jepara nglebokake bocah loro mau ana penjara,rasa sing wedi lan melas sing dirasake Narno lan Teguh, iya salahe Teguh surate ora digawa, bocah loro mau mung kethap-kethip nang njero sel, omong-omongan kepriye bisane surat kuwi teka kene, dheweke ngubungi pak Supomo, ben surat mau dititipke padha supir sing arep kirim nang Jepara, nanging arep omong karo pak Supomo wedi.mung bisane bingung arak kepriye kiye, Teguh yo duwe salah sing banget dadi dileboke penjara amarga surate keri nang omah.

Wis rada suwi anggone omong-omongan,banjur ngubungi pak supomo,nyileh telepone pak polisi,bejone bocah loro mau pak supomo iya ora nesu, dimaklumi yen manungsa kuwi panggonane lali lan luput, ana telpon omong-omongan,Pak supomo ngendika yen surate bakal dititipake Pak suyatno sing podho kirim nang Jepara, dikon ngenteni sedina,krungu ngendikane pak Supomo, Narno wis rada lega,ngnetni sedino pak Suyatno teka,dheweke  bisa bebas

            Ngenteni sedina, Pak Suyatno teka nang kantor polisi Jepara, Narno plega dheweke seneng banget,atine bungah iya lega, Pak suyatno ngenehke surat nang pak polisi,wis ana buktine yen kayu jati mau ana surate komplit, bocah loro mau ditokake seka sel ditakoni maneh banjur kon nanda tangani surat saka polisi, Narno dhewe bingung surat apa, sing ana nang pikirane dheweke sing penting aku ora nggawa kayu colongan, surat wis komplit,polisi mbebasake Narno karo Teguh.karo metu saka kantor polisi mau bocah loro kuwi omong-omongan ngndhani Teguh mula yen arep apa-apa kuwe dieling-eling disik, aja grusa-grusu. Teguh karo mlaku mung pringisan ora bisa nyauri.

           

........!!........

Imam Fauzi(10205244003)

Read More

Ki Seno Nugroho

Seno Nugroho lahir ing Yogyakarta, 23 Agustus 1972, KI seno pidalem wonten Ia tinggal di Jl. Mangunsarkoro No. 52, Yogyakarta.Ki seno menika lulusan saking sekeloh menengah kesenian Indonesia  salah satunggaling dhalang kondhang ing Yogyakarta, Ki seno putra kaping sekawan saking gangsal putra, bakat dhalang KI seno menika turun saking Bapak lan ugi simbahipun.simbahipun ingkang asma Ki Bancak menika Ugi dhalang kondang nalikane tahun 1960-an, lan Ramanipun Ki Seno KI Suparman ugi dhalang nalika tahun 1970-an, lantaran asal-usul saking kaluwarga dhalang, awit saking lare alit sampun ngenal babagan pedhalangan,nanging wiwit umuripun sedasa tahun Ki Seno remen kaliyan pewayangan, Ki seno gadhah kelompok karawitan piyambak ingkang namanipun ‘Warga Laras’ ingkang anggotanipun kirang langkung 50 tiyang.

            Minangka dhalang kondhang I seno gadhah kiat wonten suksesipun, inggih menika manfaataken peran media masa, tokoh wayang ingkang dipun remeni wonten ing pedhalangan inggih menika Punakawan, lakon wayang ingkang wonten tokoh punakawan  menika remen dipun pentasaken, kadosta Semar bangun kahyangan. Ki seno nugroho menika dados seksi pagelaran wonten ing paguyuban dhalang-dhalang ing Yogyakarta. Anggenipun pentas wayang nglimputi Jawa lan luar jawa, mboten namung ing Indonesia kemawon, Ki seno Nugroho sampun nate ing luar negeri, Ki Seno Nugroho sampun nate pentas ing Belanda lan Belgia kanthi ngawontenaken kolaborasi tari kaliyan wayang.

Imam Fauzi (10205244003)

Read More

Bathari Durga

Bathari Durga iku mula bukane duwe jeneng Dewi Pramuni kang sulistya ing rupa. Dewi Pramuni mendhem rasa tresna marang panguwasa tribuwana, yaiku Bhatara Guru. Kanggo nggayuh ketemune rasa tresnane marang Bathara Guru, sawijining dina Dewi Pramuni tapa brata. Sawise nemoni maneka rupa pacoban lan godhan, wusanane katekan Bathara Guru, Dewi Umayi lan Bathara Kala.

Ing wawanrembug antarane Bathara Guru lan Dewi Pramuni,  Bathara Guru gelem nyembadani pepenginane Dewi Pramuni kang pengin dadi prameswarine. Ananging ora kabul sakabehe, amarga mung tata lair wae sing bisa dadi prameswarine Bathara Guru. Dene jiwane ora bisa dadi prameswarine panguwasa tribuwana iku.
Amarga kasektene Bathara Guru, Dewi Umayi lan Dewi Pramuni banjur ijolan raga. Jiwane Dewi Umayi manjing ing ragane Dewi Pramuni, lan suwalike jiwane Dewi Pramuni manjing ing ragane Dewi Umayi kang arupa raseksi. Adhedhasar andharan ing buku Ensiklopedi Wayang Purwa, weton Balai Pustaka, Dewi Pramuni (jiwane Dewi Pramuni kang manjing ing ragane raseksi Dewi Umayi sabanjure antuk jejuluk Bathari Durga kang tegese kuciwa, ala, ora nyenengake. Lan sabanjure Dewi Durga dipacangake kalawan Bathara Kala.
Lan wiwit wektu iku, Bathari Durga disembah dening para kang ngrasuk agama Durga. Bathari Durga katetepake dumunung ing kayangan Krendayana. Kayangan iku sabanjure kondhang sinebut pasetran Gandamayit/Ganda Umayi. Bathari Durga antuk jejibahan nguwasani para gandarwa, setan lan titah datan kasat mata liyane kang asipat durangkara. Ing jagad pewayangan, wandane Bathari Durga iku arupa Rangkung. Dene Dewi Umayi (jiwane Dewi Umayi kang manjing ing ragane Dewi Pramuni) iku watake sabar, rasa pangrasane alus sarta landhep, adil, wani mbelani bebener, tanggung jawab, bekti mring sisihane lan gemati marang anak turune. Ing lakon carangan Sudamala, Bathari Durga antuk ruwat lan bisa luwar saka wujud raseksine dening Sahadewa. Bathari Durga sabanjure palakrama kalawan Bathara Kala lan peputra Dewasrani. Ing jagad pedhalangan, Dewasrani iku putrane Bathari Durga lan Bathara Guru. Bathari Durga duwe hak paring bebana marang sapa wae kang nyembah dheweke.
Ing lakon Sumbadra Larung, Bathari Durga paring pangestu marang pepenginane Burisrawa kanggo nresnani Dewi Sumbadra. Ing lakon Pancawala Lena, Bathari Durga mbiyantu Leksmana Mandrakumara, pangeran pati ing Astina, lan paring pangestu marang pepenginane Leksmana kang arep nglamar Dewi Pergiwati, putrane putri Arjuna. Dene ing lakon Wahyu Cakraningrat, Bathari Durga paring bebana marang Samba, putrane Sri Kresna, lan paring pangestu mring gegayuhane kanggo ngrebut Wahyu Cakraningrat. Sapa kang kasil ngrengkuh Wahyu Cakraningrat pinitaya bakal dadi raja gung binathara.

Ananging ing telung kedadeyan iku, kabeh ora ana kang bisa kasembadan pepenginane. Kabeh gegayuhane para satriya ing telu kedadeyan iku padha cabar. Iku amarga pepesthen tumrap sipat jiwane kang adoh saka sing dipengini. Bathari Durga dadi sesembahane para kang nganut agama Durga kang duwe aturan lan paugeran dhewe.  Cacahe agama kang nyembah dewa karana Bathari Durga dadi ana wolu.

Kawolune yaiku agama Syiwa (nyembah Sanghyang Syiwa/Bathara Guru), agama Sambo (nyembah Sanghyang Sambo), agama Brahma (nyembah Sanghyang Brahma), agama Indra (nyembah Sanghyang Indra). Sabanjure, agama Bayu (nyembah Sanghyang Bayu), agama Wisnu (nyembah Sanghyang Wisnu), agama Kala (nyembah Sanghyang Kala) lan agama Durga (nyembah Sanghyang Bathari Durga)

dening : Anggita Petra A. D (10205244007)
legendha

Read More

Dongeng Manuk podhang

Wayah esuk ing tengah alas, nalikane mangsa rendheng dene udan yo wis lumrahe, Ing wayah jam wolu udan wis teka, ing negara manuk arep golek pangan yo ora bisa amarga udan. Mung theklak thekluk ing susuh sing dadi omahe manuk-manuk. Ing bangsane manuk podhang, sing biasane mangan woh-wohan, ananging dina iku manuk podhang durung mangan babar blas, neng omahe manuk podhang wedok bingung arep golek mangan nang endi iki, anake sing ajeh cilik yo durung bisa mabur, sing ana nang pikirane manuk podhang wedok arep tak pakane opo anaku iki. 

Kwe sing sabar ya, mengko yo oleh pangan.’podhang wedok kandha karo anake’

‘Anake’: iya mbok, nanging aku ws ngelih tenan 

Sing manuk podhang lanang iyo uga bingung, nanging rasa rasane manuk podhang lanang mung ngoceh, sajake yo sumelang yen ora oleh pangan.

Udan tansaya deres, hawa adem wis krasa banget. Manuk podhang lan wedok mau klinguk klingung, mbok iya ya ana turahan gedhang nyuluh sing turahane codhot.anggone klingak-klinguk ngiwa nengen, nang sela-selaning godhong waru ana warna kuning, trus ndadekake rasa bungahe manuk loro mau.manuk podhang sing weruh ndisik ngoceh banter mratandhakake rasa bungah sing diweruhi mau kuwi kaya gedhang nyuluh turahane codhot sing keri,

 Kanthi rasa gumregut mauk podhang lanang marani warna kuning sing ana nang ngisor wit waru mau.dene sing podhang mung ngenteni ng susuh sing dadi omahe, manuk podhang wedok iyo ngoceh mratandhakake ndongakake karo manuk podhang lanang, muga-muga iki rejekine dewe, dina iki anakku sbisa wareg, mabur  seko wit pring apus, mara nang wit waru mau, podhang lanang. Sanyasa cepak anggone nyawang  warna kuning sansaya jelas, ndadekake tansaya bungah, anggone mabur iyo uga saya banter.

Mak teplek teka tekan wit waru, cahyane manuk podhang lanang pucet njejet mbasa weruh sakbenere, jebul kuning-kuning mau, godhong waru sing nglinthing, yen disawang saka kadohan kaya gedhang mateng, podhang lanang tambah sumelang, arep bali maneh nang susuhe, kok ora nggawa panganan, ora bali kok mesthi diarep-arep hasile, mung ndingkluk, karo mikir kepriye bisane oleh pangan.nanging podhang lanang tetep semangat, kabeh makhluk ciptaane Gusti kang kuwasa tetep diwenehi rejeki, terus mabur maneh bali menyang susuh mau.nalikane mabur seko wit waru mau, manuk podhang lanang nabrak wit pring sing ana ngarepane banjur tiba nang lemah, tangi seka tibane jebul ning ngarepe weruh kates mateng sing seger.

 ‘Maturnuwun Gusti kang Maha Kuwasa sampun maringi pangan dhateng kula’ ujare manuk podhang lanang’

kayapa senenge manuk podhang lanang bisa oleh pangan lan bali nang susuh bisa nggolekke pangan manuk podhang wedok lan anake.banjur mabur menyang susuh karo rasa kang bungah, dina iki aku bisa oleh pangan nanging yo kanthi usaha. Sabanjure tekan susuh, manuk podhang wedok lan anake pating cruwit weruh manuk podhang lanang bali nggawa panganan.

Read More

Budaya Jawa Nyuwun Kawigatosan

Budaya menika salah satunggaling asiling cipta, rasa, karsa, lan karya manungsa. Saben negari, suku, lan manungsa gadhah budayanipun piyambak – piyambak. Indonesia menika negari ingkang gadhah mapinten – pinten budaya saking mapinten – pinten suku. Samana ugu kaliyan suku Jawa. Jawa tengah, Yogyakarta, lan Jawa Timur ugi gadhah budayanipun piyambak – piyambak ingkang kathah. Kathah sanget budaya ingkang sampun dipundamel dening tiyang jaman rumiyin. Budaya menika taksih wonten dumugi jaman sakmenika, kayata kesenian, tradisi, arsitektur, lan sapiturutipun.

Budaya – budaya babagan upacara tradisi kathah tiyang ingkang sami boten ngagem lan ngicalaken. Upacara tradisi kaya ta wiwitan panen kathah ingkang sami boten ngagem. Amargi upacara menika wonten ubarampe ingkang awujud sajen, ingkang isinipun yaiku kembang, menyan, jajanan pasar, lan sanes – sanesipun. Wonten ingkang ngendika terosipun sirik “ menyekutukan Tuhan “. Tiyang Jawi Jaman rumiyin saderengipun agami mlebet  pitadosanipun animisme kaliyan dinamisme ingkang pitados dhateng roh – roh ingkang dumunung wonten ing sawijining papan. Dados tradisi ingkang mekaten boten saged ical, amargi sampun sami rumasuk ing raga tiyang Jawi. Sakjatosipun upacara menika kangge raos sukur dhumateng Gusti Ingkang Maha Suci, ingkang sampun paring kathah rejeki dhateng para tani. Upacara menika ugi kangge ngormati dhateng “ ingkang boten ketingal “, amargi kula miwah panjenengan gesang ing alam donya menika boten namung piyambak, nanging kathah kancane wonten ing alam sanes. Sampun ngantos upacara tradisi dipungayutaken kaliyan agami. Sakjatosipun upacara wiwitan lan sanesipun ingkang migunakaken sajen menika gumantung niyat pribadinipun.

Jaman sakpunika kathah tiyang ingkang sampun boten remen kaliyan budayanipun piyambak. Saking tiyang enem dumugi tiyang sepuh. Kasunyatan menika saged dipuntingali wonten ing kanan keringing kula miwah panjenengan. Kathah tiyang ingkang boten remen kaliyan budaya seni ringgit purwa. Kula piyambak ugi nate taken kaliyan nem – neman babagan ringgit purwa. Nem – neman wau boten remen kalihan ringgit purwa. Wonten ingkang paring alesan boten ngertos basanipun, boten dhong kaliyan cariyosipun, boten ngertos nami – nami ringgit, lan taksih kathah alesan sanesipun. Sanajan wonten ing salebeting cariyos ringgit purwa kathah piwulangan luhur kangge gesang ing alam donya menika.

Seni jathilan ugi nate wonten tiyang ingkang ngendika jathilan menika kesenian ingkang paling boten sae sadonya. Ingkang naminipun budaya menika boten wonten ingkang boten sae, kajaba budaya korupsi ingkang saweg rame wonten ing nagari menika. Menawi wonten pangandikan kados menika, tiyang ingkang ngendika wau boten ngregani dhateng budaya sanes. Namung ningali kesenian wau saking setunggal sisi lan ngagem kajenge piyambak. Ketingalipun tiyang menika boten remen kaliyan seni jathilan. Ingkang kados menika kedahipun sampun ngantos kedadosan.

Kathah tiyang enem jaman sakmenika ingkang sampun nyingkiraken budayanipun piyambak, budaya sampun luntur. Nem – neman langkung remen kaliyan budaya ngamanca, kados ta babagan girl band lan boy band, anggenipun ngangge rasukan ugi niru – niru budaya kulonan yaiku sarwi minim, sarwi pamer awak kados kirang bahan, ingkang damel wontenipun tindak asusila.

Saged dipuntingali wonten ing tivi, kathah lare – lare ingkang namung niru damel boy band girl band, jogedan wonten ing pundi - pundi. Tiyang nem menika langkung remen kaliyan negari ngamanca tinimbang budayanipun piyambak. Wonten ing HP lan leptop wontenipun namung tembang lan video – video ngamanca. Menawi wonten ingkang enggal, tiyang – tiyang nem sami lomba – lomba pados video utawi tembang menika lan niru – niru jogedan utawi sami tetembangan. Tiyang – tiyang sami boten remen, gengsi kaliyan budaya Jawa terosipun amargi budaya Jawa menika kuna, boten gaul. Sakjatosipun tiyang ingkang ngendika mekaten menika ingkang kuna, amargi kaliyan budayanipun piyambak boten ngertos lan boten saged njagi. Menawi kula miwah panjenengan sagedipun namung niru, negari Indonesia bakal dados “ Negara Peniru “ ingkang boten gadhah jati diri.

Dados tiyang ingkang gesang wonten ing jaman sakmenika, kula miwah panjenengan namung kedah sami njagi lan nglestantunaken budaya – budaya menika sampun sami sirna saking jagad. Remen kaliyan budaya ngamanca menika angsal – angasal kemawon, nanging sampun ngicalaken lan nyingkiraken budayanipun piyambak. Tiyang ngamanca kemawon sami sinau budaya Jawa, sinau karawitan, nyindhen, kula miwah panjenengan dados tiyang Jawi sampun sami kalah kaliyan tiyang ngamanca. Kula miwah panjenengan tansah kedah nglestantunaken lan nguri – uri budaya ingkang wonten. Menawi boten, wonten ing jaman salajengipun saged kewalik yaiku Indonesia ingkang sinau budayanipun piyambak wonten ing ngamanca. Menawi kedadosan mekaten rak nggih ngisin – isini. Budaya ingkang wonten saged ugi dipunaku dening negari ngamanca kados dene ingkang sampun kedadosan. Tuladhanipun inggih menika Reog Ponorogo ingkang dipunaku dening negari ngamanca, senajan Reog menika kesenian asli saking Indonesia. Menawi sampun mekaten nembe mawon sami reang ( ribut ), rinebutan kesenian menika.

Kula miwah panjenengan angsal kemawon ngeli majenging jaman, nanging ngeli nggih sampun sami keli. Amargi menawi kula miwah panjenengan sampun keli kula miwah panjenengan sampun boten gadhah jati diri, wontenipun namung raga ingkang kados golek, tiyang ingkang boten gadhah wewaton gesang ingkang kiyat menika kaya dene kebo dicucruk cungure. Tiyang ingkang keli kados dene ulam mati lan runtah – runtah ( sampah ), boten saged nglawan arus pagesangan. Menawi mlebet kabudayan A sampun ngantos medalipun kabudayan A, nanging  dipunpilih pundi ingkang sae pundi ingkang boten sae, supados dados kabudayan enggal ingkang sae ingkang boten ngicalaken budayanipun piyambak. Dadosa tiyang Jawa ingkang njawani. Cobi sageda dados tiyang – tiyang ingkang boten namung dados konsumen, dadosa tiyang ingkang saged dados produsen.

Dening : Wening Tyas Mustikasari

NIM : 10205244015

Read More

Alex Ferguson

Alex Ferguson
Informasi pribadi
Nama lengkap	Alexander Chapman Ferguson
Tanggal lair	31 Desember 1941 (yuswa70)
Papan lair	Glasgow, Skotlandia
Posisi bermain	Penyerang (sampun pensiun)
Informasi klub
Klub saat ini	Manchester United (pelatih)
Karier senior*
Tahun	Tim	Tampil (Gol)
1957–1960 1960–1964 1964–1967 1967–1969 1969–1973 1973–1974	Queen's Park St. Johnstone Dunfermline Athletic Rangers Falkirk Ayr United Total	32 (11) 37 (19) 88 (66) 41 (25) 106 (37) 24 (9) 327 (167)
Kepelatihan
1974 1974–1978 1978–1986 1985–1986 1986–	East Stirlingshire St. Mirren Aberdeen Skotlandia Manchester United
* Penampilan saha gol wonten klub senior namung dipunetung saking liga domestik.

Sir Alexander Chapman "Alex" Ferguson CBE (lair ing Govan, Glasgow, 31 Desember 1941; yuswa 70 taun) inggih menika pelatih saha mantan pemain bal-balan saking kebangsaan Skotlandia, ingkang wekdal menika nembe nglatih klub gedhe saking daratan Inggris Manchester United F.C., Fergi sebutanipun,sampun tugas nglatih ngantos 1000 pertandingan bal-balan. Dipunanggep dados salah satunggaling pelatih terbaik sepanjang sejarahipun bal-balan ing Inggris.Fergi sampun menangaken langkung kathah piala katimbang pelatih wonten ing pundi kemawon.Fergi sampun nglatih  Manchester United wiwit tanggal 6 November 1986 dumugi wekdal seprene,Fergi nggentosaken Ron Atkinson. Wonten ing Manchester United, Sir Alex ugi sebatane, dados pelatih ingkang sukses wonten ing sejarah bal-balan Inggris,kanthi mimpin tim amenangi 10 gelar juara liga. Ing taun 1999, Fergi dados pelatih ingkang sapisan ingkang mbekta  tim Inggris saged pikantuk treble saking Liga Utama, Piala FA saha Liga Champions UEFA.Fergi inggih satunggaling pelatih ingkang amenangi Piala FA kathahipin kaping 5, Fergi uga dados satunggaling pelatih ingkang saged amenangi Piala Liga Inggris ngantos kaping 3 berturut-turut kaliyan tim ingkang sami juga (1998-1999, 1999-2000 saha 2000-2001). Ing taun 2008, Fergi gabung kaliyan Brian Clough (Nottingham Forest) saha Bob Paisley (Liverpool) dados pelatih  Britania ingkang nate amenangi kejuaraan Eropa ngantos kathahipun langkung saking satunggal.

        

            Fergi menika pelatih ingkang jenius anggenipun milih bakat-bakat pemain sepak bola,kayata legenda hidup Eric Cantona ingkang dipuntumbas saking klub Leeds United,Eric Cantona rikala taun 90’an dados mesin gol kaliyan Mark Huges,saha Kanchelkis.Mboten mandeg menika,Fergi tumbas winger asal Wales inggih menika Ryan Gigsa,ryan Gigs gabung kaliyan Manchester United taksih yuswanipun 17 taun,ananging caranipun main lan playone Ryan Gigs ngedab-ngedabi kaya alap-alap,dumugi seprene Ryan Gigs taksih mbela MU lan dados pembelian ingkang tersukses saha dados legenda ing MU

Taksih kathah talenta lan pemain-pemain ingkang cerdas didikanipun Fergi kaadosta David Beckham ing tersohot sanget wonten malih Paul Scholes,pemain tengah ingkang kuat lan tahan banting.Pemain ingkang fenomenal dumugi seprene inggih menika Cristiano Ronaldo inggih dididik kaliyan Fergi dipunsulap dados mesin gol,playuna lan tembakan bebas dadi andalane.Ananging Karir Ronaldo ana ing MU ora suwe soale,Ronalda konflik karo Fergi soal posisi sing sae kanggo dhewekke.Real Madrid dadi labuhane Ronaldo sabubare metu saka MU.

Sakbubare Ronaldo pindah ing Madrid,Fergi kesissahan anggenipun golek winggir,ananging fergi boten  cepet nyerah lan mutung ati,dhewekw banjur nekakke Nani,wingir saka Portugal,dinggi ngganti posisi Ronaldo.Sanesipun Nani ing taun 2012 iki Fergi pingin mbangun klub ing masa jayane taun 90’an kalawingi.Fergi banjur nekakake bomber saka Negara Walanda yaiku Robin Van Persie kang sadurunge maen kanggo Arsenal,saha Shinji Kagawa saking Dortmunt,Fergi gadhah pangarep-arep ing taun 2012 iki tim sing dipimpin bias dadi juara ing Eropa lan Kejuaraan Domestik.         

Dening

Angga Dicky Krisnawan

10205244029

Read More

UNINE LEMUT

Miturut caritane wong-wong jaman  ndisik, lemut iku gedhene sak pitik jago. Uripe ana ing alas. Mangane getih kewan. Lemut  menawa nyokot mendo mesti mati. Kewan-kewan pada wedi karo lemut. Lemut dadi  raja ing  alas wanci kuwi. Caritane uga lemut duweni suweng sing apik kerlap-kerlip sinare.

Lemut duwe kanca putri Kenya anaingpinggir alas. Ing sak wijining dina, putri Kenya mau arep lelungan. Putri Kenya nyuwun ngampil suwenge lemut.Lemut ora duwe rasa curiga marang siputri Kenya mau, suwenge dijilihke nanging ugacepet-cepet dibalekake menawa putri uwis rampung anggone lelungan.

Sedina, rongdina, telung dina putri durung balekake suwenge lemut, lemut banjur nesu. Banjur lemut marani omahe si putri ana ing pinggir alas. 

Saka kadoan putri wus krungu suara mabure lemut. Mesthi lemut arep mrene, pikire si putri, Putri banjur nyepakake merang, merang kuwi banjur diobong. Sak uwise tekan omahe putri banjur didodok  lawing omahe si putri. Ora ana wong sing semaur saka njero omah. Didodok tetep sepi, banjur lemut nesu, lawing omah dirusak, LEMUT banjur mlebu ing omah. Lemut kaget jebul ana ing jero omah ana merang kang wus diobong ndadekake pelug sing okeh banget. Kena pelug merang, lemut dadi semaput banjur awake dadi remuk cilik-cilik banjur mabur ngubengi si putri sinambi nyuara suweng…..suweng…..” (ngeng,ngeng,ngeng).

Kuwi mau kenging menapa swara lemut sing lagi mabur mesthi ana ing kuping, maksude njaluk dibalekake suwenge.

Anggita Petra A.D (10205244007)

Read More