11/20/12 ~ Kridha Budaya

Dolana tradhisional ing Indonesia, mligine ing tanah Jawa saperangan ageng sampun dipunlalekake. Maneka warna dolanan kang wektu iki wus langka, kayata : bekelan gobak sodor, egrang, gangsir, dakon, boy – boyan engklek, carang pring plurunipun saking kembang jambu, jaranan ngagem debok, leputan, ancak – ancak, jamuran lan sakpanunggalanipun. Dolanan kados menika wau racakipun gadhah khas lan kreatifitas kelompok kang prayoga kagem nggayuh kamenangan. Kanthi cara kelompok, kajaba saged nambahi kakiyatan sarta nyaketaken kekancan antawisipun setunggal lan sanesipun.

Faktor ingkang ndyani kenging menapa dolanan tradhisional kirang dipun minati dening lare alit jaman sakmenika kados dene factor lingkungan pergaulan, paradigma menawi basa jawa menika “katrok”, factor kaluwarga lan sanes-sanesipun. Kathah tiyang sepuh menika ingkang prihatos dening larenipun, amargi larenipun boten mangertos dolanan tradhisional menika kathah manfaatipun.

Kanthi mangkono cetha jaman sakmenika sampun dumados individualisasi wonten ing lingkungan bocah sakmenika. Amargi jinisipun dolanan ing jaman menika langkung modern, boten ribet, boten betahaken kanca ingkang kathah. Kados komputer, playstation utawi game online menika langkung gampil lan boten mbetahaken lare ingkang kathah. Lare sakmenika kathah ingkang boten saged interaksi kaliyan kanca sanesipun.

Ingkang luwih wigati saking dolanan tradhisional menika inggih menika kelompok dolanan saking dolanan tradhisional wau wonten kesan ingkang guyub, rukun lan gayeng. Wekdal ingkang dipunginakaken ugi saged cekap lan boten ngganggu sinau utawi kagiyatan mbiyantu tiyang sepuhipun, amargi wekdal kang dipungginakaken wekdal prei sekolah lan sonten. Ingkang biasanipun lare remeni kanggo dolana menika wyah wulan purnama kang direnggani cahyaning rembulan kang padhang.

Wonten cara – cara ingkang saged mbiyantu lare alit supados remen kaliyan dolanan tradhisional. Ingkang sepisan , inggih menika tiyang sepuhipun. Tiyang sepuh menika kedah nepangaken menapa kemawon dolanan tradhisional lan manfaatipun dening lare alit menika sakderengipun lare menika tepang kaliyan dolanan modern. Jaman sakmenika ugi kathah tiyang sepuh ingkang boten ngeparengaken larenipun dolanan wonten njawi. Tiyang sepuh menika sejatosipun paring ijin supados larenipun dolanan wonten njawi supados lare menika saged berinteraksi kaliyan kanca sanesipun. Tiyang sepuh ugi nyariosaken asikipun dolanan tradhisional dening larenipun supados lare alit menika boten gadhah pikiran menawi dolanan tradhisional menika “katrok” lan boten “gaul”.

Nepangaken dolanan tradhisional ingkang sae menika wiwit lare mlebet paud ngantos dumugi sekolah dasar amargi wonten wanci menika lare remen lan gampil dipunjak dolanan maneka warna lan dereng gadhah pamikiran ingkang maneka warni.

Menawi wonten SMP utawi SMA menika lare sampun boten saded dipunjak dolanan ingkang langkung jadhul amardi donyanipun lare sd kaliyan smp utawi sma menika sampun beda.

Wonten ing lingkungan formal kados sekolah menika, nepangaken dolanan tradhisional dening lare menika kados media olahraga. Menawi wonten pelajaran olahraga menika langkung sae gurunipun nepangaken dolanan tradhisional kados gobak sodor, engklek ingkang saged dipunolahragakaken kagem pados kringet lan ugi nyehataken raga. Pelajaran seni saged kahem wahana nepangaken dolanan tradhisional kados damel jaran ngagem debog. Pehak sekolah ugi nganakaken kagiyatan lomba- lomba dolanan tradhisional wonten ing adicara lomba 17 agustus supados langkung semarak lan lare menika langkung remen kaliyan dolanan tradhisional.

Pehak pamerintah ugi kedah nglestantunaken dolanan tradhisional supados dolanan tradhisional menika boten ical amargi dolanan modern menika langkung gampil lan boten ribet anggenipun mainaken. Pamerintah kados ngawontenaken pameran – pameran dolanan tradhisional ingkang jangkep lan saged dipunpraktekaken dening lare – lare. Lembaga masyarakat ugi saged mbiyantu programipun pemerintah. Boten wonten lepatipun menawi badhe nglestantunaken dolanan tradhisional menika, supados budaya ingkang dipuntilaraken nenek moyang menika saged dipunturunaken kagem generasi ingkang sak lajengipun.

Kados ingkang dipuntindakaken Yayasan Tamansiswa menika ingkang taksih nguri-uri maneka warna dolanan tradhisional lan kesenian tradhisional. Kabuktekaken menawi pinuju adicara asring ngatonaken jinis-jinising dolanan lan kesenian tradhisional. Kados seni tari ingkang nggambaraken dolanan lepetan, jamuran, umpetan lan sakpanunggalanipun.

Tugas Opini : Anggita Petra A.D (10205244007)

Yayasan New 7 Wonders kang ingayoman Organisasi Pendidikan, Ilmu Pengetahuan dan Kebudayaan ing Educational Scientific and Cultural Organization (UNESCO) kanthi resmi nglebokake kewan komodo (latin : Varanus komodoensis) sajerone “tujuh keajaiban dunia sing anyar” sanesipun inggih menika Sungai Amazon papan wonten Amerika Selatan, Ha Long Bay ing Vietnam, Air Terjun Iguazu ing Argentina – Brazil, kepulauan Jeju ing Korea Selatan, Sungai bawah tanah Puerto Proincesa ing Filipina lan Table Mountain ing Afrika Selatan.

Keputusan Sawetara ingkang dipunbiwaraken ngepasi tanggal 11-11-2011 saka Yayasan ingkang markase mapan wonten ing Swiss menika kedah wae gawe bombonge rakyat Indonesia ingkang mula ngajab khadal raseksa sisa panguripan jaman purba menika pikantuk pangaji-aji murwat saka masarakat donya. Upaya pikantuk pangaji-aji marang komodo saking pihak pamarintah Indonesia Piyambak dipunwiwiti saking taun 1978 nalika nglebokake kewan lan lingkunganipun yaiku Pula komodo minangka kewan lan papan ingkang diayomi. Wiwit iku Pulo Komodo ingkang kalebet Kabupaten Manggarai, Nusa Tenggara Timur, ingkang awujud Pulo inking Jembare 590 km2 dipundadekake Taman Nasional.

Mlebetipun Komodo minangka new 7 Wonders ateges uga nglungguhake Pulo Komodo dados papan pangayoman (konservasi) ingkang saged dipunmanpangatake minangka papan wisata. Pulo Komodo ing sawetan Pulo Sumbawa sawise nyabrang selat Sape kalebet Pulo paling kulon laladan Nusa Tenggara Timur. Bagean tengah Pulo awujud pegunungan gamping ingkang dikebaki ara-ara lan alas grumbul bebondhotan, wonten ing tengah alas lan ara-ara urip kadhal ingkang karem daging mentah ingkang taun 2009 kepungkur cacahe 1300 iji.

Menange Pulo Komodo sajerone ngarah kelungguhan new 7 wonders kang tetep sing bakal dibiwarake awal taun 2012 ateges uga menehi kalodhangan omber tumrap Indonesia kanggo nyuguhaken papan wisata utama ingkang anyar kagem wisatawan domestic lan manca.

Gegebangan menika sampun nyedhaki kanyatan ingga Pulo Komodo mlebet salebete salah satunggaling pitung keajaiban donya ingkang anyar, ingkang mangkono nyrung karep gedhe mecungulake maneh kaelokan liyane kanggo mlebu sjerone keajaiban anyar ing wekdal ingkang bakal teko.

tugas feature :Anggita Petra A.D (10205244007)